கடந்த சில நாட்களுக்கு முன் தமிழகத்தை பரபரப்பாக்கிய சர்ச்சை பேராசிரியை நிர்மலா தேவி சம்பவத்தை கதைக்களமாக வைத்து எங்க குலசாமி என்கிற படத்தை அறிமுக இயக்குனர் விஜயகுமார் இயக்குகிறார். கதாநாயகனாக யூடியூப் புகழ் 'ராக் ஸ்டார்' ராஜகுரு அறிமுகமாகிறார்.
பேராசிரியையின் நயவஞ்சக பேச்சில் சிக்கி உயிரிழந்த தன் தங்கையின் மரணத்திற்கு நீதி கேட்டு சட்டத்தை ஹீரோ தன் கையிலெடுப்பதே கதையின் கரு. மருத்துவ கல்லூரி பின்னணியில் உருவாகும் இந்த கதை ஒரே நேரத்தில் தமிழ், தெலுங்கு மொழிகளில் உருவாகவுள்ளது.
ராஜா பட்டாசார்ஜீ ஒளிப்பதிவு செய்ய இசையமைக்கிறார், சாம் டி ராஜ்
இறுதிகட்ட பணிகள் முடிந்து ஏப்ரல் இறுதியில் வெளியாகவுள்ள இப்படத்தை ஆர்யா எண்டர்டெய்ன்மெண்ட் என்கிற புதிய தயாரிப்பு நிறுவனம் தயாரிக்கிறது.
