ஆரம்பத்தில் பைக்ரேஸராக இருந்து நடிகரான அஜித், அதன் பின் வெற்றிகரமான நாயகனாக வலம் வந்துகொண்டே கார் ரேஸிலும் பங்குகொண்டார். அதனைத் தொடர்ந்து இப்பொழுது துப்பாக்கிச்சுடுதல் போட்டியிலும் சிறந்த வீரராக வலம் வருகிறார்.
தற்பொழுது நடந்துகொண்டிருக்கும் 46-வது தமிழ்நாடு மாநில துப்பாக்கி சுடுதல் சாம்பியன்ஷிப் போட்டிகளில் கலந்துகொண்டு, அஜித் குமார் இடம்பெற்ற சென்னை ரைஃபிள் கிளப் அணி பல்வேறு பதக்கங்களைக் குவித்தது. சென்னை ரைஃபிள் கிளப்பின் உறுப்பினரான நடிகர் அஜித் அவர்கள் 6 பதக்கங்களை வென்றார். அவருக்கு கிளப்பின் இதர உறுப்பினர்கள் தங்களுடையப் பாராட்டுகளைத் தெரிவித்தனர்.
துப்பாக்கி சுடுதல் போட்டியில் நடிகர் அஜித் அவர்கள் வென்றுள்ள பதக்கங்களின் விவரம்:
* ஏர் பிஸ்டல் 10 மீ - தங்கம்
* சென்டர் ஃபயர் பிஸ்டல் (ஐ.எஸ்.எஸ்.எஃப்) (25 மீ) - வெள்ளி
* சென்டர் ஃபயர் பிஸ்டல் (என்.ஆர்) - (25 மீ) - தங்கம்
* ஸ்டாண்டர்ட் பிஸ்டல் (ஐ.எஸ்.எஸ்.எஃப்) - (25 மீ) - தங்கம்
* ஸ்டாண்டர்ட் பிஸ்டல் (என்.ஆர்) - (25 மீ) - வெள்ளி
* ஃப்ரீ பிஸ்டல் (50 மீ) - தங்கம்
தமிழகத்தின் அனைத்து பகுதிகளிலிருந்தும் சுமார் 900-க்கும் மேற்பட்டோர் இந்தப் போட்டியில் பங்கேற்றார்கள். 60-க்கும் மேற்பட்ட பிரிவுகளில் பல்வேறு துப்பாக்கிச் சுடுதல் போட்டிகள் நடைபெற்றன. சென்னை ரைஃபிள் கிளப், மதுரை ரைஃபிள் கிளப், கோயம்புத்தூர் ரைஃபிள் கிளப் உட்பட 52 கிளப்கள் இந்தப் போட்டிகளில் பங்கெடுத்தன. என்பது குறிப்பிடத்தக்கது.
