புதுச்சேரி மாநிலத்தை சேர்ந்த காரைக்காலில் உள்ள இன்டர்நேஷ்னல் வி.ஆர்.எஸ் மார்ஷியல் ஆர்ட்ஸ் அக்டமி ( International Vrs Martial Arts Academy ) இயக்குநர் மகாகுரு Dr வி.ஆர்.எஸ் குமாரிடம் மூன்று வயது முதல் கராத்தே சிலம்பம் யோகா கிக் பாக்ஸிங் குபுடோ தேக்வாண்டோ போன்ற எண்னற்ற தற்காப்பு கலைகளைக் கற்று இந்தியா மற்றும் சர்வதேச அளவில் 200க்கும் மேற்பட்ட பதக்கங்களை வாங்கி குவித்திருக்கும், காரைக்கால் குட்ஷெப்பட் மேல்நிலை பள்ளியில் 5ம் வகுப்பு பயிலும் 9 வயதே ஆன இரட்டையர்கள் கே.ஸ்ரீவிசாகன் மற்றும் கே ஸ்ரீஹரிணி ஆகியோரைப் பார்த்து வியந்த நடிகர் விமல், அவர்களை மனதாரப்பாராட்டி கெளரவித்தார்.
கராத்தேவில் இரண்டு பிளாக் பெல்ட் மற்றும் இந்தியா மற்றும் சர்வதேச அளவில் அதிக பதக்கங்களை வாங்கி உலக சாதனை படைத்து பல்வேறு உலக சாதனைப் புத்தகத்தில் இடம் பிடித்து புதுச்சேரி ஆளுநர் . முதல்வர் மற்றும் பல்வேறு தரப்பினரிடமும் பாராட்டு மற்றும் கவுரவ டாக்டர் பட்டம் மற்றும் பல்வேறு விருதுகளைப் பெற்ற, இவர்களைச் சிறப்பிக்கும் விதமாக பள்ளித் தாளாளர் ரான்சன் தாமஸ்- முதல்வர் ஜாய் தாமஸ் ஆகியோர் இவர்களின் பல்வேறு சாதனைகளை பள்ளியின் சார்பாக புத்தகமாக தயார்செய்து புதுச்சேரி துணைநிலை ஆளுநர் கிரண் பேடி அவர்களின் கைகளால் வெளியிட்டனர்.
மேலும் இவர்கள் சாதனைக்கு மகுடம் சேர்க்கும் விதமாக துபாயை சேர்ந்த Emitaa என்ற நிறுவனத்தால் கும்பகோணத்தில் நடந்த சர்வதேச விருது வழங்கும் விழாவில் திரைப்படத்துறை மற்றும் சின்னத்திரையை சேர்ந்த பிரபலமான முன்னணி நட்சத்திரங்கள் மற்றும் பல்வேறு துறையில் சாதனை செய்த பிரபல மாணவர்களுடன் இவர்களுக்கும் இன்டர்நேஷனல் இந்தியன் ஐகான் அவார்டு 2019 ( International Indian Icon Award 2019 ) என்ற சிறப்பு விருது வழங்கி கௌரவிக்கப்பட்டது.
