தயாரிப்பாளர் YNOT ஸ்டுடியோஸ் எஸ். சசிகாந்த் - ரிலையன்ஸ் எண்டர்டெயின்மெண்ட், ட்ரைடண்ட் ஆர்ட்ஸ் மற்றும் AP இண்டர்நெஷ்னல் ஆகியோருடன் இணைந்து "YNOTX மார்கெட்டிங் அண்ட் டிஸ்ட்ரிபியூஷன்" வணிகம் $ விநியோகம் நிறுவனத்தைத் துவங்கியிருக்கிறார்.
சென்னை, பிப்ரவரி 20, 2019: YNOT ஸ்டுடியோஸ், ரிலையன்ஸ் எண்டர்டெயின்மெண்ட், ட்ரைடண்ட் ஆர்ட்ஸ் மற்றும் AP இண்டர்நெஷ்னல் ஒன்றினைந்து தொடங்கப்பட்டுள்ள "YNOTX மார்கெட்டிங் அண்ட் டிஸ்ட்ரிபியூஷன்" நிறுவனம் திரைப்படங்களின் வியாபாரம் மற்றும் விநியோகத்தை சர்வதேச அளவில் செயல்படுத்தும்.
இதுகுறித்து, YNOT ஸ்டூடியோஸ், எஸ். சசிகாந்த் கூறுகையில், "YNOTX தரம் மிகுந்த திரைப்படங்களின் விநியோகம் மற்றும் விற்பனைக்கான வாய்ப்புகளை உருவாக்குவதற்கான ஒருங்கிணைந்த தளம் ஒன்றை உருவாக்கும். சிறந்த படங்களுக்க ஒரு நிலையான எதிர்காலத்தை ஏற்படுத்தி அதற்கான வடிவமைப்பை உருவாக்க உதவும்.
தங்கள் படங்களின் வருவாய் திறனை அதிகரிக்க விளம்பரம், விநியோகம் மற்றும் டிஜிட்டல் பகிர்வில் பல்வேறு கூட்டணி நிறுவனங்களுடன் ஒன்றினைந்து, படத்தயாரிப்பாளர்களுக்கு ஒரு ஒருங்கிணைந்த சுற்றுச்சூழலை உருவாக்கும்" என்றார்.
ஷிபாஷிஷ் சர்கார், ரிலையன்ஸ் எண்டர்டெயின்மண்ட் குழும தலைமை நிர்வாக அதிகாரி, கூறுகையில் "பல தயாரிப்பு நிறுவனங்கள், தாங்கள் தயாரிக்கும் படங்களை தங்கள் இலக்கு பார்வையாளர்களுக்கு வழங்குவதற்கு சரியான தளங்களைக் கண்டுபிடிக்கப் போராடி வருகின்றன. ஏனென்றால் சரியான தளங்களைக் கண்டுபிடிக்க சில வழிகளே உள்ளன, மேலும் பல தயாரிப்பாளர்கள் அந்த சில வழிகளையே பின்பற்றுவதால் பிரச்சனை மேலும் சிக்கலாக்கி பட வெளியீட்டு நேரத்தில் ஒரு தெளிவின்மையை ஏற்படுத்துகிறது.
YNOTX இந்தப் பிரச்சினையை எதிர்த்துப் போராடுவதற்கும், பன்மொழி திரைப்படங்களின் விளம்பரம் மற்றும் விநியோகம் ஆகியவற்றுக்காக ஆரோக்கியமான சூழ்நிலையை உருவாக்கி அதை சரியே நடைமுறைப்படுத்துதையும் உறுதிப்படுத்துகிறது. " என்றார்
ட்ரைடண்ட் ஆர்ட்ஸ், ஆர். ரவீந்திரன் கூறுகையில் "சரியான பாதையைச் சரிவர காட்டாமல் துண்டிக்கப்பட்ட நிலையில் தற்போதைய திரைப்பட வணிகம் உள்ளது. மேலும் திரைப்படங்களின் விநியோகங்களில் ஒரு சமநிலையின்மை இருப்பதைக் காணமுடிகிறது. இது போன்ற வணிக ரிதியிலான குழப்பங்களுக்கு சரியான தீர்வாக நன்கு அனுபவம் வாய்ந்தவர்களும், மிகவும் திறன் வாய்ந்தவர்களும் உள்ள இந்த ஒருங்கிணைந்த குழு அமையும். " என்றார்.
AP இன்டர்நேஷனல், சஞ்சய் ஏ. வாத்வா கூறுகையில், "பல்வேறு விநியோக தளங்கள் தங்கள் தேவைகளுக்குப் பொருந்தும் சரியான படைப்புகளைக் கண்டுபிடிப்பதற்கான செயல்முறையைப் பெற மெனக்கேட வேண்டிய நிலை இங்கு உள்ளது. இதில் ஈடுபட்டுள்ள பலரின் எண்ணிக்கையும், மேலும் தங்களுக்கான தேவைகளை அறிவதில் ஒவ்வொருவரும் தனக்கென்று ஒரு வழியை கையாளுவதுமே இதற்கு காரணமாகத் திகழ்கிறது.
YNOTX, படைப்பாளர்கள் வழக்கமாகப் பின்பற்றி வரும் சிக்கலான வழிகளை உடைதெறிந்து சிறந்த நேர்த்தியான வழியில் தரமான படங்களை மக்களிடம் கொண்டு சேர்ப்பதற்க்கும், வணீக ரிதியாக உதவுவதற்க்கும் வழிவகுக்கும்.
விநியோக வியாபாரத்தில் 12 வருட அனுபவம் கொண்ட கிஷோர் தலூர், YNOTXல் விநியோக தலைவராக செயல்படுவார்..” என்றார்.
