முண்டாசுபட்டி ராம்குமார் இயக்கத்தில் விஷ்ணு விஷால் நடிக்கும் படம் ராட்சசன். இந்தப்பட்த்தின் மூலம் இவருடன் முதன்முறையாக இணைந்திருக்கிறார் , அமலா பால்.
அக்டோபர் 5 ஆம் தேதி வெளியாகவிருக்கும் ராட்சசன் பட அனுபவத்தைப் பற்றிக் கூறிய அமலா பால், ”இந்த படத்தில் நடிக்கும் போதில் இருந்தே, படம் எப்பொழுது ரிலீஸ் ஆகும் என ரிலீஸுக்காக காத்திருக்கிறோம். இயக்குநர் ராம் ரொம்பவே கடின உழைப்பாளி, அவருக்கு, வாயில் கதை சொல்லத்தெரியாது எனினும் திரையில் அற்புதமாகச் சொல்லியிருக்கிறார். நேரம் எடுத்து மிகவும் விரிவாக, தெளிவாக படத்தை எடுப்பார்.
சினிமாவில் எனக்கு அவ்வளவாக நண்பர்கள் கிடையாது, இந்த படத்தின் மூலம் விஷ்ணு எனக்கு நல்ல நண்பராகி விட்டார். நடிக்க வருபவர்களுக்கு விஷ்ணு ஒரு இன்ஸ்பிரேஷன். படத்துக்காக அவருடைய உழைப்பு அபரிமிதமானது.
ஒட்டுமொத்த படக்குழுவும் படம் சிறப்பாக வருவதற்கு தங்கள் பங்களிப்பை கொடுத்திருக்கிறது.
திரில்லர் படம் என்றாலே ஹாலிவுட்டுடன் ஒப்பிடுவார்கள், ஆனால் இது நம்ம ஊரு திரில்லர் படம் என்று சொல்லும் அளவுக்கு நேட்டிவிட்டியுடன் இருக்கும். திரில்லர் படங்களில் இது ஒரு பெஞ்ச்மார்க்காக இருக்கும்..” என்றார்.
